- Lyrics
- Album list
- Singer Intro
鄭進一
-
賊星註敗
Lyricist:鄭進一 Composer:鄭進一 Arranger:張乃仁 合唱:許效舜
(歐吉桑)(叫我) (我注意你真久啊)(安怎) (你鬼鬼祟祟你鏘仔乎)(講話這歹聽 什麼鏘仔 我是賊仔) (噓 卡小聲咧)(安怎)(我嘛是啦 你看這車)(哎喲 生意這好喔) (第三趟啊 巷仔底彼間透天厝 乎我搬一個我看準備做乞食 歹勢 我咧趕場) (恭喜啊 咦 巷仔底彼間透天厝 哎 彼都阮兜 賊喔 守望相助啊)
這暗 是安怎攏無人想要睏(想抹作賊仔哩哪) 店面 大樓 住家電火點彼光(電火是免錢仔哩哪) 無體諒 阮做賊仔時間歹按算(半點仔人性都無) 明明是要絕咱這技術飯(這咁是一般人挺好作的 要有天份耶呢) 我手機仔那卡 看叨一元衰仔無治厝(甲彼衰嘛 有一半間仔無治厝耶) 我就發財仔開咧嘿嘿嘿 趕緊來去扛(物件稍照一下 假的真多喔) 怨歎 現代人愈來愈無水準(到擔你才知) 接著電話 我還未出聲伊就操幹六譙歹蹭蹭 雖然阮做賊 咱嘛愛斬節 不管你有錢無錢通通一律鎧鎧鎧
下暗 是冬天冬至冬風冷勝勝(這天彼寒咁哪要放尿煞找無啦) 我堵好 爬甲四樓吊治鐵窗寒甲四四顫(啊我六樓不煞六六剉) 忽然我看到 一對尪仔某當塊炒米粉(有攬灌腸對不對) 伊某是哀父叫母 未輸去乎一連兵輪(哎可憐啊 看愛等多久才輪耶著) 我愈看 身軀煞一直加輪筍(啊 你抹返大人啦) 我吊治窗外 連嘴涎煞不知通好吞(流完呀 擱有通吞) 忽然我看到 一陣賊頭對這過來巡(夭壽 戴帽仔 啊慘啊慘啊) 害我驚一下 剉尿四界噴(哎呦你嘛卡有衛生的苔疙人喔)
*雖然阮做賊 咱嘛愛斬節 不管你兜有錢無錢通通一律鎧鎧鎧
Repeat *,*
(少年的)(你叫我嗎)(我甲你講我注意你真久啊 你一個人惦彼鬼鬼祟祟你 咦 嗯你咁不是昨天彼咧鏘仔) (你不是昨天彼咧賊仔)(啊 捉到啊喔) (麥生氣歹生氣 大家平平賊仔鏘來鏘去 下暗我報你一間好康的 補償一咧) (嗯 看你的誠意啦 叨位啦) (頭前彼條巷子 巷仔底 正手邊 尚尾間 彼間透天的) (透天的啊不都真好額 我甲你講 好加在你有這咧誠意 啊哪無 我甲你講 我尚氣就是氣彼咧賊仔) (麥按呢啦)(真無意思 偷拿物件 真無意思 咱自己的 同行的 (啊你慢慢用 我要來趕場)(感謝你 感謝你)(我先走) (好多謝多謝 有閒才擱來 慢慢仔駛 拜拜 咦 巷仔底彼咧 嗯 嗯 彼都阮兜啊 喂喂 有賊喔 守望相助啊)
------------------------------------------
18627/《賊星註敗》Tsha̍t-tshenn Tsù Pāi 鄭進一Tēnn Tsìn-it 許效舜Khóo Hāu-sùn
↓↓(口白)---(口白)---(口白)↓↓ 許) 欸!歐吉桑 eh! oo-jí-sáng 鄭) 唅?叫我 hannh? kiò guá?
許) 我注意你誠久矣喔 guá tsù-ì lí tsiânn kú--ah-ooh 鄭) 按怎 án-nuá?
許) 你咧鬼鬼祟祟 lí leh kuí-kuí-suī-suī 你勍仔乎 lí khiang-á--honnh? 鄭) 欸欸欸~講話足歹聽 eh eh eh~ kóng-uē tsiok pháinn-thiann 啥物勍仔 sánn-mih khiang-á 我是賊仔 guá sī tsha̍t-á
許) 噓~較細聲咧啦 sih~ khah sè-siann--leh-lah 鄭) 按怎啦 án-tsuánn--lah? 許) 我嘛是啦 guá mā sī--lah 你看這車 lí khuànn tsit tshia 鄭) 哎喲!生理遮好喔 aih-ioh! sing-lí tsiah hó--ooh
許) 第三逝 tē-sann tsuā 巷仔底彼間透天厝 hāng-á-té hit king thàu-thinn-tshù 予我搬一个 hōo guá puann tsi̍t-ê 我看準備做乞食 guá khuànn tsún-pī tsò khit-tsia̍h 鄭) 哎喲! aih-ioh!
許) 歹勢 pháinn-sè 我咧趕場 guá leh kuánn-tiûnn
鄭) 恭喜恭喜喔 kiong-hí kiong-hí--ooh 巷仔底彼間透天厝 eh~ hāng-á-té hit king thàu-thinn-tshù 欸!嗯!彼都阮兜啊 eh! ngh! he to guán tau--ah! 賊仔喔~ tsha̍t-á--ooh 守望相助啊~ shǒuwàngxiāngzhù--ah ↑↑(口白)---(口白)---(口白)↑↑
遮暗 tsiah àm 啊是按怎 ah sī-án-tsuánn 攏無人想欲睏 lóng bô-lâng siūnn-beh khùn
↓---(口白)---↓ 想欲做賊仔呢啊? siūnn-beh tsò tsha̍t-á--nih-ah? ↑---(口白)---↑
店面大樓徛家 tiàm-bīn tuā-lâu khiā-ke 電火點遐光 tiān-hué tiám hiah kng
↓---(口白)---↓ 電火是免錢呢啊 tiān-hué sī bián-tsînn--nih-ah ↑---(口白)---↑
無體諒咱做賊仔 bô thé-liōng lán tsuè-tsha̍t-á 時間歹按算 sî-kan pháinn àn-sǹg
↓---(口白)---↓ 半點仔人性都無 puànn-tiám-á jîn-sìng to bô ↑---(口白)---↑
明明是欲 bîng-bîng sī beh 絕咱這途技術飯 tsua̍t lán tsit tôo ki-su̍t pn̄g
↓---(口白)---↓ 這敢是一般人 tse kám-sī it-puann-lâng 聽好做的諾 thìng-hó tsò--ê, hiooh 愛有天份的呢 ài ū thian-hūn--ê neh ↑---(口白)---↑
我手機仔那敲 guá tshiú-ki-á ná khà 看佗一箍衰仔 khuànn tó tsi̍t-khoo sue-á 若無佇厝裡 ā bô tī tshù--lí
↓---(口白)---↓ 到遐衰 ká sue 嘛有一半間仔 mā ū tsi̍t-puànn-king-á 無佇厝的 bô tī tshù--ê ↑---(口白)---↑
啊我就發財仔開咧 ah guá tiō huat-tsâi-á khui--leh 嘿嘿嘿 heh heh heh 啊趕緊來去扛 ah kuánn-kín lâi-khì kng
↓---(口白)---↓ 物件小照咧 mi̍h-kiānn sió tsiàu--eh 假的誠濟喔 ké--ê tsiânn tsuē--ooh~ ↑---(口白)---↑
怨嘆 uàn-thàn 現代人愈來愈無水準 hiān-tāi-lâng jú-lâi jú bô-tsuí-tsún
↓---(口白)---↓ 到今你才知 kah-tann lí tsiah tsai ↑---(口白)---↑
接著電話 tsiap-tio̍h tiān-uē 我猶未出聲 guá iá-bē tshut-siann 伊就𧮙姦搦撟歹擤擤 i tō tshoh-kàn-la̍k-kiāu pháinn tshǹg-tshǹg
↓---(合唱)---↓ 雖然阮做賊 sui-jiân gún tsò-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat khat khat ↑---(合唱)---↑
下暗 e-àm 是冬天冬節 sī tang-thinn tang-tseh 冬風冷繏繏 tang-hong líng sǹg-sǹg
↓---(口白)---↓ 乎!這天遮寒 honnh! tse thinn tsiah kuânn 干焦欲放尿 ka-na beh pàng-jiō 煞揣無啦 suah tshuē-bô--lah ↑---(口白)---↑
我拄好到四樓 guá tú-hó peh kah sì-lâu 吊佇鐵窗 tiàu tī thih-thang Find more lyrics at ※ Mojim.com 寒甲爍爍顫 kuânn kah sih-sih-tsùn
↓---(口白)---↓ 嗯~ 啊我六樓 ngh~ guá la̍k-lâu 毋煞慄慄掣 m̄-suah la̍k-la̍k-tshuah ↑---(口白)---↑
忽然我看著 hut-jiân guá khuànn-tio̍h 一對翁仔某 tsi̍t-tuì ang-á-bóo 當咧炒米粉 tng-teh tshá-bí-hún
↓---(口白)---↓ 有濫灌腸 ū lām kuàn-tshiâng 著毋著 tio̍h m̄-tio̍h? ↑---(口白)---↑
怹某是哀爸叫母 in bóo sī ai-pē-kiò-bú 袂輸去予一連兵仔輪 bē-su khì hōo tsi̍t-liân ping-á lûn
↓---(口白)---↓ 唉!可憐啊 haih! khó-liân--ah 看愛等偌久 khuànn ài tán guā kú 才輪會著啦 tsiah lûn ē-tio̍h--lah ↑---(口白)---↑
我愈看 guá jú khuànn 身軀煞一直交懍恂 sin-khu suah it-ti̍t ka-lún-sún
↓---(口白)---↓ 啊 你欲轉大人矣啦 ah! lí berh tńg tuā-lâng--ah-lah ↑---(口白)---↑
我吊佇窗外 guá tiàu tī thang-guā 連喙瀾 liân tshuì-nuā 煞毋知通好吞 suah m̄-tsai thang-hó thun
↓---(口白)---↓ 流了矣 lâu liáu--ah 閣有通吞 koh ū thang thun ↑---(口白)---↑
欸~忽然我看著 eh~ hut-jiân guá khuànn-tio̍h 一陣賊頭 tsi̍t-tīn tsha̍t-thâu 對遮過來巡 tuì tsia kuè-lâi sûn
↓---(口白)---↓ 夭壽!戴帽仔的 iáu-siū! tì-bō-á--ê 啊慘啊慘啊 ah tshám-ah! tshám--ah! ↑---(口白)---↑
害我驚一个 hāi guá kiann tsi̍t-ê 疶尿四界噴 tshuah-jiō sì-kè phùn
↓---(口白)---↓ 哎喲 你嘛較有衛生咧 aih-ioh! lí mā khah ū uē-sing--leh 癩人啊 thái-ko-lâng--ah ↑---(口白)---↑
↓---(合唱)---↓ 雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat
雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat
雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat ↑---(合唱)---↑
↓↓(口白)---(口白)---(口白)↓↓ 鄭) 少年的 siàu-liân--ê 許) 你咧叫我嗎 lí teh kiò guá--mah
鄭) 我共你講 guá kā lí kóng 我注意你誠久矣 guá tsù-ì lí tsiânn kú--ah 你一个人踮遐鬼鬼祟祟 lí tsi̍t-ê-lâng tàm hia kuí-kuí-suī-suī 你... lí... 嗯~你面熟 ngh~ lí bīn-sik... 欸~你敢毋是 eh~ lí kám m̄-sī 昨昏彼个勍仔 tsa-hng hit ê khiang-á? 許) 啊你毋是 ah lí m̄-sī 昨昏彼个賊仔 tsa-hng hit ê tsha̍t-á?
鄭) 喔~掠著矣乎~ ooh~ lia̍h--tio̍h-ah, honnh~ 許) 莫受氣 mài siūnn-khì 莫受氣 mài siūnn-khì 逐家平平賊仔 ta̍k-ke pînn-pînn tsha̍t-á 勍來啊勍去 khiang lâi--ah khiang khì 鄭) 啊!有影都著 ah! ū-iánn to tio̍h
許) 下暗我報你一間好空的 ē-àm guá pò lí tsi̍t-king hó-khang--ê 補償一下 póo-siông--tsi̍t-ē 鄭) 嗯~看你的誠意啦 ngh~ khuànn lí ê sîng-ì--lah 佗位啦 tó-uī--lah?
許) 頭前彼條巷仔 thâu-tsîng hit tiâu hāng-á 巷仔底 hāng-á-té 正手爿上尾間 tsiànn-tshiú-pîng siōng-bé king 彼間透天的啦 hit king thàu-thinn--ê lah 鄭) 透天的 thàu-thinn--ê 啊毋煞誠好額 ah m̄ suah tsiânn hó-gia̍h 哈哈 ha-ha!
鄭) 我共你講 guá kā lí kóng 好佳哉你有這个誠意 hó-ka-tsài, lí ū tsit ê sîng-ì 抑無 ia̍h-bô... 我共你講 guá kā lí kóng 我上氣 guá siōng khì 就是氣彼賊仔 tō-sī khì he tsha̍t-á 許) 莫按呢啦 mài án-ne--lah 鄭) 誠無意思 tsiânn bô ì-sù 偷提物件 thau-the̍h mi̍h-kiānn 誠無意思 tsiânn bô-ì-sù 許) 咱家己同行的哩 lán ka-kī tông-hâng--ê lih
鄭) 嘿啦嘿啦 hennh-lah hennh-lah 許) 啊你慢慢仔用 ah lí bān-bān-á iōng 我來去趕場 guá lâi-hì kuánn-tiûnn 鄭) 感謝你 kám-siā lí 感謝你 kám-siā lí
許) 我先走 guá sing tsáu 鄭) 多謝多謝 to-siā to-siā 有閒才過來啦 ū-îng tsiah kuè--lâi lah 慢慢仔駛唅 bān-bān-á sái--hannh 擺擺 pái-paih
巷仔底彼个 ih~ hāng-á-té hit ê... 嗯!欸!啊彼都阮兜啊 ngh! eh! ah he to gun tau--ah 喂!喂! ueh! ueh! ?賊喔! ? tsha̍t--ooh! 守望相助啊 shǒuwàngxiāngzhù--ah ↑↑(口白)---(口白)---(口白)↑↑
- Special thanks to W.B. Chen for correcting the lyric.
- Related Links: W.B. Chen
|