- Album Intro
- Lyrics
- Album list
- Singer Intro
王瑞霞
-
戇蝦仔
Lyricist:十方 Composer:方文良 Arranger:WAVE-G
有一个莊跤囡仔 無愛猜疑 只是關心 將朋友當做自己 用義氣點青春的燈
伊的生活有鹹有汫 提耳腔聽 用目睭看 疼世間予咱的痛 用體諒溫暖現實的寒
命運定定褪赤跤 理想毋知走去搭 日頭赤赤 心頭驚驚 為情為愛一隻戇蝦仔
人變化 心變卦 毋知明仔載彼爿有啥 阮的肩胛頭敢會命中注定 為啥人勇敢來擔
人變化 心變卦 向望有人聽到阮的聲 未來這雙手毋通萬般拖磨 往事一疊換目屎兩捾
毋知一百分生安怎 人生的紙 歲月咧寫 佮每種角色用心來搬 天公伯愛會記得我佇遮
命運定定褪赤跤 理想毋知走去搭 日頭赤赤 心頭驚驚 有情有義一隻戇蝦仔
天遮大地遮大世界遮闊 咱攏親像戇蝦仔 佇人海走揣幸福的影 佇世間走闖一生的命
天頂雲咧趕 風沙咧喝 有你陪我 一山過一山
------------------------------------------
《戇蝦仔》Gōng-hê-á 王瑞霞Ông Suī-hâ
有一个庄跤囡仔 ū tsi̍t-ê tsng-kha gín-á 無愛猜疑 bô-ài tshai-gî 只是關心 tsí-sī kuan-sim 將朋友當做家己 tsiong pîng-iú tòng-tsuè ka-tī 用義氣點青春的燈 iōng gī-khì tiám tshing-tshun ê ting
伊的生活有鹹有汫 i ê sing-ua̍h ū kiâm ū tsiánn 提耳空聽 the̍h hīnn-khang thiann 用目睭看 iōng ba̍k-tsiu khuànn 疼世間予咱的疼 thiànn sè-kan hōo lán ê thiànn 用體諒溫暖現實的寒 iōng thé-liōng un-luán hiān-si̍t ê kuânn
命運定定褪赤跤 miā-ūn tiānn-tiānn thǹg-tsiah-kha 理想毋知走去佗 lí-sióng m̄-tsai tsáu-khì tah 日頭赤赤 ji̍t-thâu tshiah-tshiah 心頭驚驚 sim-thâu kiann-kiann 為情為愛 uī tsîng uī ài 一隻戇蝦仔 tsi̍t-tsiah gōng-hê-á
人變化 lâng piàn-huà 心變卦 sim piàn-kuà 毋知明仔載彼爿有啥 m̄-tsai bîn-á-tsài hit-pîng ū siánn 阮的肩胛頭敢會命中註定 gún ê king-kah-thâu kám ē miā-tiong tsù-tiānn 為啥人勇敢來擔 uī siánn-lâng ióng-kám lâi tann
人變化 lâng piàn-huà 心變卦 sim piàn-kuà 向望有人聽著阮的聲 ǹg-bāng ū-lâng thiann-tio̍h gún ê siann 未來這雙手 Find more lyrics at ※ Mojim.com bī-lâi tsit siang-tshiú 毋通萬般拖磨 m̄-thang bān-puann thua-buâ 往事一疊 óng-sū tsi̍t-tha̍h 換目屎兩捾 uānn ba̍k-sái nn̄g-kuānn
毋知一百分生按怎 m̄-tsai tsi̍t-pah-hun senn án-tsuánn 人生的紙 jîn-sing ê tsuá 歲月咧寫 suè-gua̍t teh siá 共每種角色用心來搬 kā muí tsióng kak-sik iōng-sim lâi puann 天公伯愛會記得我佇遮 thinn-kong-peh ài ē-kì-tit guá tī tsia
命運定定褪赤跤 miā-ūn tiānn-tiānn thǹg-tsiah-kha 理想毋知走去佗 lí-sióng m̄-tsai tsáu-khì tah 日頭赤赤 ji̍t-thâu tshiah-tshiah 心頭驚驚 sim-thâu kiann-kiann 有情有義 ū tsîng ū gī 一隻戇蝦仔 tsi̍t-tsiah gōng-hê-á
人變化 lâng piàn-huà 心變卦 sim piàn-kuà 毋知明仔載彼爿有啥 m̄-tsai bîn-á-tsài hit-pîng ū siánn 阮的肩胛頭敢會命中註定 gún ê king-kah-thâu kám ē miā-tiong tsù-tiānn 為啥人勇敢來擔 uī siánn-lâng ióng-kám lâi tann
人變化 lâng piàn-huà 心變卦 sim piàn-kuà 向望有人聽著阮的聲 ǹg-bāng ū-lâng thiann-tio̍h gún ê siann 未來這雙手 bī-lâi tsit siang-tshiú 毋通萬般拖磨 m̄-thang bān-puann thua-buâ 往事一疊 óng-sū tsi̍t-tha̍h 換目屎兩捾 uānn ba̍k-sái nn̄g-kuānn
天遮大 thinn tsiah tuā 地遮大 tē tsiah tuā 世界遮闊 sè-kài tsiah khuah 咱攏親像戇蝦仔 lán lóng tshin-tshiūnn gōng-hê-á 佇人海走揣幸福的影 tī jîn-hái tsáu-tshuē hīng-hok ê iánn 佇世間走傱一生的命 tī sè-kan tsáu-tsông it-sing ê miā
人變化 lâng piàn-huà 心變卦 sim piàn-kuà 毋知明仔載彼爿有啥 m̄-tsai bîn-á-tsài hit-pîng ū siánn 阮的肩胛頭敢會命中註定 gún ê king-kah-thâu kám ē miā-tiong tsù-tiānn 為啥人勇敢來擔 uī siánn-lâng ióng-kám lâi tann
人變化 lâng piàn-huà 心變卦 sim piàn-kuà 向望有人聽著阮的聲 ǹg-bāng ū-lâng thiann-tio̍h gún ê siann 未來這雙手 bī-lâi tsit siang-tshiú 毋通萬般拖磨 m̄-thang bān-puann thua-buâ 往事一疊 óng-sū tsi̍t-tha̍h 換目屎兩捾 uānn ba̍k-sái nn̄g-kuānn
天頂雲咧趕 thinn-tíng hûn teh kuánn 風沙咧喝 hong-sua teh huah 有你陪我 ū lí puê guá 一山過一山 tsi̍t-suann kuè tsi̍t-suann
- Special thanks to W.B. Chen for correcting the lyric.
- Related Links: W.B. Chen
|